menyu
Новости
menyu

V Республиканская конференция молодых физиков Узбекистана «ЯДЕРНАЯ ФИЗИКА И ЯДЕРНЫЕ ТЕХНОЛОГИИ»
4-5 декабря, 2018 г, Улугбек, Ташкент
информации

Мадҳия

МАШЪАЛ БЎЛИБ ПОРЛАЙВЕРСИН ИЛМ МАСКАНЛАРИ
(Мадҳия Ўзбекистон ФА Ядро физикаси институтининг
60 йиллигига бағшланади, 2016 йил)


Бебош тарих кўп ҳолларда эрмак излайди.
Аммо бугун бизларга бир ўрнак сўзлайди:
Хоразмий-ю, Беруний-ю Улуғбекларни
Бугун бизнинг орамизда кўрмоқ истайди.

Замон мужмал ва мураккаб бўлсада беҳад,
Узоқ йилда илм қўрғони кўтарди-ю қад.
ЯФИ дея ном қўймишлар ушбу қўрғонга-
Она юртда яшнамоқда илм-у фан, ижод!

Хизматчилар ёки деҳқон, ишчи боласи
Жам бўлмишлар: мафтун этмиш илм масаласи!
Cокин маскан фарзандлари ўйга толмишлар:
Бош қотирма - табиатнинг ҳур фалсафаси !

Кимларнидир қизиқтирар нур шажараси.
Кимларнидир мафтун этган квант манзараси.
Кимдир мудом кристалл ичра сайр айлайди,
Асир этган кристалларнинг зўр панжараси !

Кеча-кундуз қайнар бунда атом қозони !
Бизлар олган изотоплар ютуқ мезони !
Тинчлик учун хизмат қилиш олимлар аҳди -
Гамма нурлар, нейтронларнинг дафдир зиёни!

На шуҳратдир, на ишратдир олим хоҳиши!
Кўплар учун тушинарсиз унинг ташвиши:
Ойлар ўтиб, йиллар ўтиб бораверади,
Игна билан қудуқ қазиш олимнинг иши!

Ер юзида ҳамма одам омад излайди.
Баъзилар бор фақатгина фойда кўзлайди.
Олим эса янгиликни излаб топарда,
Қувонч билан жўшиб-жўшиб нутқ сўзлайди!

Излан, ярат – ижод айла, эй, мағрур касбдош!
Фан йўлида илҳом билан тўлиб-тўлиб тош!
Қанча-қанча кашфиётлар олдинда ҳали,
Табиатга эгилмасин кўр-кўрона бош.

Гарчи ҳаёт кўп мушкулдир, баъзан риёли,
Сен зиёинг мўл сочавер софдил зиёли!
Машъал бўлиб порлайверсин илм масканлари,
Илм нуридан ҳеч қаерни кўрмайлик холи!

Russian